धादिङ जिल्लाकै पहिलो बालमैत्री स्थानीय शासन घोषणा प्रक्रियाका लागि सहमति पत्र प्राप्त!
ऐतिहासिक उपलब्धि!
धादिङ जिल्लाकै पहिलो बालमैत्री स्थानीय शासन घोषणा प्रक्रियाका लागि सहमति पत्र प्राप्त! 
बालबालिकाको अधिकार, सहभागिता, संरक्षण र समग्र विकासलाई प्राथमिकतामा राख्दै अघि बढेको हाम्रो निरन्तर अभियानले आज महत्वपूर्ण सफलता प्राप्त गरेको छ।
यो उपलब्धि केवल एउटा पत्र प्राप्त हुनु मात्र होइन, वर्षौँदेखिको मेहनत, धैर्यता, लगनशीलता, निरन्तर प्रयास र सामूहिक प्रतिबद्धताको परिणाम हो। 
बालमैत्री स्थानीय शासन निर्माणका लागि जनप्रतिनिधि, कर्मचारी, बालबालिका, बाल समूह सञ्जाल, विद्यालय, अभिभावक, संघसंस्था तथा सम्पूर्ण सरोकारवालाको निरन्तर साथ, सहयोग र समन्वयले यो सम्भव भएको हो।
आज प्राप्त यो सहमति पत्रले हामीलाई अझ ठूलो जिम्मेवारी र उत्साह दिएको छ। अबको लक्ष्य केवल घोषणा होइन, घोषणापछि पनि बालमैत्री अभ्यासलाई दिगो र प्रभावकारी बनाउँदै लैजानु हो।
धादिङ जिल्लाकै पहिलो बालमैत्री स्थानीय शासन घोषणा गर्ने ऐतिहासिक यात्रामा गल्छी गाउँपालिका अघि बढेको छ। 
मेहनतको फल प्राप्त भएको छ, अब उपलब्धिलाई दिगो बनाउने पालो हाम्रो हो। 
